18- Ռազմիկ Մինասյանը քարով հարվածել է հորը ծեծող համագյուղացուն: Սյունիքի  մարզի  ընդհանուր իրավասության դատարանից  NEWS.am-ը տեղեկացավ, որ սույն գործը քննվելու է իրենց մոտ: 

Զինծառայող 18-ամյա Ռազմիկ Մինասյանին մեղադրանք է առաջադրվել այն բանի համար, որ նա Սյունիքի մարզի Վերին Խոտանան գյուղում իր, հոր` Սարիկ Մինասյանի և Կորյուն Գևորգյանի, Մարտին Թումանյանի միջև առաջացած վիճաբանության և ծեծկռտուքի ընթացքում գետնից վերցրած քարով 2-3 մետր հեռավորությունից դիտավորությամբ հարվածել է Մարտին Թումանյանի գլխին:  Վերջինիս առողջությանը պատճառելով կյանքին սպառնացող ծանր վնաս: 

Քրեական գործ է հարուցվել 112  հոդվածի  1-ին մասով:  Խափանման միջոց ընտրվել է հրամանատարության հսկողության հանձնելը: Գործը դատարան է ստացվել դեկտեմբերի 10-ին: Առաջիկայում կնշանակվի դատական քննության օրը: