նախընտրելի դարձնել
Երեւանում շարունակվում են բազմաբնակարան, ինչպես նաեւ հասարակական շենքերի ու շինությունների տանիքներին կուտակված ձյան եւ առաջացած սառալեզվակների հեռացման աշխատանքները:
Արդեն հիմնականում բակային տարածքներում շարունակվող ձյան մաքրմանը զուգահեռ կատարվող այս գործընթացն իրականացվում է հետիոտնի անվտանգ անցուդարձն ապահովելու եւ հնարավոր վտանգը կանխելու նպատակով: Այս աշխատանքներում Երեւանի քաղաքապետարանին տեխնիկայով եւ հրշեջ փրկարարների ներգրավմամբ աջակցում են ԱԻՆ Երեւանի փրկարարական ծառայությունն ու մայրաքաղաքի այն համատիրությունների աշխատակիցները, որոնց սպասարկման տարածքում են գտնվում տվյալ շենքերը:
Մինչ համատեղ ուժերով կատարվող աշխատանքների ավարտը, խորհուրդ է տրվում խուսափել շենքերին անմիջականորեն հարող հատվածներով անցուդարձից:
