Գերմանիայի կանցլեր Անգելա Մերկելը վերընտրվել է երրորդ ժամկետում: Նրա թեկնածությանը գաղտնի քվեարկությամբ կողմ են քվեարկել Բունդսթագի  621 պատգամավորներից 462-ը:

Հիշեցնենք, Մերկելը Գերմանիայի կանցլերն է 2005թ.-ից ի վեր:

Ավելի վաղ Գերմանիայի սոցիալ-դեմոկրատական կուսակցությունը, որը համաձայնել էր դաշինք կազմել Անգելա Մերկելի ՔԴՄ/ՔՍՄ-ի աջակենտրոն բլոկի հետ, հայտնել էր, որ իրենց առաջնորդ Զիգմար Գաբրիելը զբաղեցնելու է երկրի փոխկանցլերի պաշտոնը:

Նոր կոալիցիայի արդյունքում գործընկերները  սկսել են պաշտոնների վերաբաշխումը:

Զիգմար Գաբրիելը կդառնա նաեւ էկոնոմիկայի եւ էներգետիկայի նախարար: Ֆրանկ-Վալտեր Շտայնմայերը կվերադառնա կառավարություն՝ որպես արտգործնախարար. այդ պաշտոնը նա զբաղեցնում էր Գերմանիայի կանցլերի պաշտոնում Մերկելի առաջին ժամկետի օրոք:

Ընդհանուր առմամբ սոցիալ-դեմոկրատները կստանան կառավարության 16 նախարարների պորտֆելներից վեցը, հայտնում է BBC-ի ռուսական ծառայությունը:

Գերմանիայի պաշտպանության նախարարությունը գլխավորել է յոթ երեխաների մայրը