Բանտում կատարած ռենտգենյան հետազոտությունից հետո ոստիկանները գողության համար կասկածվող 20-ամյա ամերիկացու ստամոքսում հայտնաբերել են երկու գողացված ոսկյա շղթա:

My Fox Orlando-ն տեղեկացնում է, որ ոստիկանները Ժոզեֆ Բրավո Ռամոսին ձերբակալել են, երբ նա փախուստի է դիմել գողություն կատարելուց հետո։ Որպեսզի ոստիկանները չհայտնաբերեն գողացված շղթաները, կասկածյալը կուլ է տվել դրանք:

Ժոզեֆ Ռամոսին տեղափոխել են բանտ և այնտեղ ռենտգենյան հետազոտության ենթարկել, որը  ցույց է տվել, որ նրա ստամոքսում երկու ոսկյա շղթա կա:

Բժիշկները ոսկյա շղթաները գողի ստամոքսից հեռացնլու համար ստիպված են եղել վիրահատել նրան:

Գողացված շղթաները մաքրել և վերադարձրել են տուժածին։