Հայտնի է դարձել Արտաշավան - Ուշի ճանապարհին, այսօր՝ դեկտեմբերի 18-ին,  ժամը 12:35-ի սահմաններում տեղի ունեցած ողբերգական վթարից զոհվածի ու վիրավորի ինքնությունը:

Նշենք, որ միջպետական M-3 ավտոճանապարհին՝ Ուշի գյուղի մոտակայքում, տեղի ունեցել ավտովթար. կան տուժածներ, անհրաժեշտ է փրկարարների օգնությունը:

Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել  մեկ մարտական հաշվարկ, ՀՆՓԱԻԿ փրկարարական ջոկատը և մարզային ՃԿԿ օպերատիվ խումբը:

Պարզվել է, որ բախվել են «ՄԱՆ» մակնիշի (վարորդ` Ն. Ի. Ս.) CE 0129 AC և «ԳԱԶել» մակնիշի (վարորդ՝ 45-ամյա Ա.Ա.) 07 ՕՕ 154 համարանիշի  ավտոմեքենաները: Վթարի հետեւանքով «ԳԱԶել» մակնիշի ավտոմեքենայի վարոդը տեղում մահացել է, իսկ ուղևոր 38-ամյա Գ. Գ.-ն տարբեր աստիճանի մարմնական վնասվածքներով հոսպիտալացվել է «Արմենիա» ԲԿ:

Բժիշկները տուժածի առողջական վիճակը գնահատել են ծայրահեղ ծանր:

Փրկարարները «ԳԱԶել» մակնիշի ավտոմեքենայից դուրս են բերել Ա.Ա.-ի դին: