Մաքսային միության ձեւավորման գործըթացը սկսել էր դեռ 1994 թվականից: Այս մասին այսօր` դեկտեմբերի  24-ին հրավիրված ասուլիսին  ասաց  քաղաքագետ Անդրիաս Ղուկասյանը:

Նրա խոսքով, Հայաստանը այդ միության ձեւավրման մեջ նույնիսկ որպես դիտորդ չի մասնակցել: «Հետեւաբար Սերժ Սարգսյանի՝ սեպտեմբերին արված  հայտարարությունը անակնկալ էր բոլորի համար: Մաքսային միության մաքսերը կիրառել Հայաստանում, աբսուրդ է մեզ համար: Եթե նայենք Մաքսային միության մաքսերը, ի տարբերություն Եվրոպայի միության փաստաթղթերի, Մաքսային միության բոլոր փաստաթղթերը բաց են: Իմ կարծիքով, ոչ Մաքսային միությունը կարիք ունի Հայաստանի, ոչ էլ Հայաստանը՝ Մաքսային միության»,- նշեց Անդրիաս Ղուկասյանը եւ ավելացրեց, որ  խնդիր է դրված մինչեւ մայիս վավերացնել այդ փաստաթղթերը:  Նրա խոսքով, եթե Հայաստանը պատրաստվում է մինչեւ մայիս դառնալ Մաքսային միության անդամ, ապա ինչի են դեկտեմբերին կնքում հենց գազի շուրջ  պայմանագիր, որը ենթադրում է էքսպորտային մաքսեր: «Կա հակասություն եւ մենք տեսնում ենք, որ իշխող կուսակցությունը ի վիճակի չէ բացատրություն տալ»,- ասաց Անդրիաս Ղուկասյանը:

Լուսանկարը՝  Արսեն Սարգսյանի/NEWS.am