նախընտրելի դարձնելՀայաստանի սպառողները կարող են «Էլցանցերի» հաշվիչների ցուցմունքները ստուգել ստուգող հաշվիչներով: Այս մասին խորհրդարանում ելույթի ժամանակ հայտարարել է Հանրային ծառայությունների կարգավորման հանձնաժողովի նախագահ Ռոբերտ Նազարյանը:
Ըստ նրա՝ Հայաստանում էլեկտրականության հաշվիչների ցուցմունքների անճշտությունները հասցվել են նվազագույնի: «Այնուամենայնիվ, մենք քննում ենք ցանկացած այդպիսի դեպք:
Սպառողները կարող են ստուգող հաշվիչներ տեղադրել եւ դրանց հետ համեմատել «Էլեկտրացանցերի» հաշվիչների տվյալները: Դա, իհարկե, չի վերացնում մեր վերահսկողությունը», - հայտարարել է Նազարյանը՝ պատասխանելով ԲՀԿ-ական պատգամավոր Տիգրան Ուրիխանյանի հարցին:
Նա նաեւ հայտարարել է, որ 2014թ. ՀԾԿՀ-ն մտադիր է հաստատել հաշվետվության նոր տեսակ՝ ինտերնետ-պրովայդերների համար: «Պրովայդերները հաշվետվություն են տալու իրենց ծառայությունների որակի համար, եւ այդ տեղեկությունը հասանելի կլինի սպառողներին», - ասել է Նազարյանը:
