նախընտրելի դարձնելՏեղեկատվական մատչելիությունն ու թափանցիկությունն ապահովելու նպատակով 2013թ դեկտեմբերից Երեւանի քաղաքապետարանի պաշտոնական կայքի «Սոցիալական ապահովություն բաժնում» տեղադրված է ընտանեկան նպաստ եւ հրատապ օգնություն ստացող ընտանիքների ցուցակները:
Երեւանի քաղաքապետարանի մամուլի ծառայությունից հայտնում են, որ նշված տեղեկատվությունը յուրաքանչյուր ամիս թարմացվում է։
«Ներկայում Երեւան քաղաքում սոցիալական ծառայությունների համալիր կենտրոններ են ստեղծվել 5 վարչական շրջաններում՝ Աջափնյակում, Ավանում, Նորք-Մարաշում, Նուբարաշենում, Դավթաշենում, իսկ Էրեբունիում գործում է միասնական ընդունարան։ Առաջիկա տարիներին մյուս վարչական շրջաններում եւս կձեւավորվեն նմանատիպ կենտրոններ, որտեղ եւս կապահովվեն հաշմանդամների համար հատուկ նշանակության պայմանների, սարքերի եւ սարքավորումների ներդրումը, մատչելիության ապահովումը»,-նշել է քաղաքապետարանի աշխատակազմի սոցիալական ապահովության վարչության պետ Ռուզաննա Զաքարյանն ու հավելել, որ 2013-ին Երեւանի քաղաքապետարանի կողմից իրականացված բոլոր ծրագրերը շարունակական են եւ իրականացվելու են նաեւ ընթացիկ տարում:
