նախընտրելի դարձնելԿիեւի Անկախության մայդանում այս պահին 20-ից ավելի վիրավոր իրավապահ կա, ասված է Ուկրաինայի ՆԳՆ-ի կայքում:
«Պարզվել է, որ Անկախության մայդանում, հնարավոր է՝ կոնսերվատորիայի շենքից, բացահայտ հրազեն են գործածել՝ ընդդեմ «Բերկուտի» աշխատակիցների»,- ասված է հաղորդագրությունում:
Տուժածներին նախաբժշկական օգնություն է ցուցաբերվել:
Իրավապահները նաեւ թունավոր անհայտ նյութի գործածման մասին տեղեկատվություն ունեն, «112 Ուկրաինա»-ի եթերում հայտարարել է Ուկրաինայի ՆԳՆ-ի մամուլի քարտուղար Սերգեյ Բուրլակովը:
Հիշեցնենք, չնայած հաշտության մասին պայմանավորվածությանը, Մայդանում իրավիճակը սրվում է:
Ցուցարարները «բերկուտների» վրա քարեր եւ վառվող շշեր են նետում: «Բերկուտը» պատասխանում է լուսաաղմկարար նռնակներով:
Սեւ, թանձր ծխի պատճառով իրավապահները համարյա չեն երեւում:
Լսելի են շտապօգնության մեքենաների սիրենաներ: Մարդկանց պարբերաբար պատգարակներով տեղափոխում են:
Ավելի վաղ ուժայինների ուղղությամբ «մոլոտովի կոկտեյլներ» էին նետել Կիեւի կոնսերվատորիայի շենքում:
