նախընտրելի դարձնելGoogle ընկերությանը պատկանող ամերիկյան YouTube-ը ավելի քան 1 մլրդ դոլարով ձեռք կբերի տեսախաղերի Twitch ծառայությունը, գրում է Variety ամսագիրը՝ վկայակոչելով իրազեկ աղբյուրը:
Ըստ ամսագրի` գործարքի շուրջ համաձայնությունն արդեն ձեռք է բերվել: ԱՄՆ-ի արդարադատության նախարարության կողմից գործարքը հավանություն ստանալու դեպքում` պայմանավորված գումարը կվճարվի կանխիկ:
Սպասվում է, որ գործարքի մասին կհայտարարվի առաջիկայում: YouTube-ի եւ Twitch-ի ներկայացուցիչները հրաժարվել են մեկնաբանություններից:
Twitch – ը տեսախաղերի ծառայություն է: Կայքը բացվել էր 2011թ. հունիսին` հատուկ տեսախաղերի համար: Twitch-ը հնարավորություն է տալիս խաղերի ուղիղ հեռարձակումներ իրականացնել, դրա լսարանը կազմում է 45 միլիոն մարդ: Այս ծառայությունը ներդրված է վերջին սերնդի Sony Playstation 4-ում եւ Xbox One-ում:
