Անհայտ ավտոմեքենայի վարորդը մայիսի 22-ին, ժամը 18.00-ի սահմաններում, Արտաշատ քաղաքի Օգոստոսի 23-ի փողոցում վրաերթի է ենթարկել 18-ամյա աղջկա եւ դիմել փախուստի:

Ոստիկանության լրատվության վարչությունից հայտնում են, թե տուժողը մարմնական վնասվածքներով տեղափոխվել է հիվանդանոց:

Ձեռնարկվում են միջոցառումներ վրաերթ կատարած անձի ինքնությունը պարզելու եւ նրան հայտնաբերելու ուղղությամբ:

Կատարվում է նախաքննություն: