Երեքշաբթի երեկոյան ԱՄՆ Ֆլորիդա նահանգի Քիսիմի քաղաքի առեւտրի կենտրոններից մեկում, որտեղ անհայտ անձինք կրակոցներ են արձակել,  վիրավորվել է երկու մարդ: Հայտնի է, որ տուժածների կյանքին ոչինչ չի սպառնում: 

Ըստ տեղի ոստիկանության հայտարարության` հնարավոր է, միջադեպին մասնակից են եղել երկու տղամարդիկ, որոնք մահացել են վթարից` առեւտրի կենտրոն ժամանած ոստիկաններից փախչելու ընթացքում, փոխանցում է ԻՏԱՌ-ՏԱՍՍ-ը:

Ոստիկանները նկատել են մեքենա, որը կարող էր պատկանել միջադեպի մասնակիցներին, եւ փորձել են  կանգնեցնել։ Հետապնդումը երկար չի տեւել: Մեքենան բախվել է ճանապարհի պատնեշին, որի հետեւանքով ներսում գտնվողները մահացել են: