նախընտրելի դարձնել
Եվրամիությունը գազի հարցով բանակցությունների եւ դրա մատակարարումների վերսկսման հարցում արագ եւ որոշիչ առաջընթաց է ակնկալում: Այս մասին հայտնում է «Ուկրաինսկայա պրավդան»՝ մեջբերելով Եվրահանձնաժողովի նախագահ Ժոզե Մանուել Բարոզուի պատասխան նամակը Վլադիմիր Պուտինին:
«Առանցքայինը Ուկրաինայի քաղաքացիներին էներգակիրների մատակարարման վերսկսումն է եւ ԵՄ-ի հաճախորդների առաջ ունեցած պայմանագրային բոլոր պարտավորությունների կատարումը», - ասվում է նամակում: Ըստ Բարոզուի՝ ԵՄ-ն ակնկալում է «փոխադարձ ընդունելի միջանկյալ լուծում գալիք ձմռանը»՝ Եվրահանձնաժողովի փոխզիջումային առաջարկությունների հիման վրա:
Իր նամակում Բարոզուն նաեւ պատրաստակամություն է հայտնել շարունակել բանակցությունները Ռուսաստանի հետ՝ Ուկրաինա-ԵՄ ասոցացման համաձայնագիրը կյանքի կոչելու հարցով:
Սեպտեմբերի 29-ին Եվրամիության խորհուրդը որոշում էր ընդունել Ուկրաինայի հետ ԵՄ-ի ասոցացման համաձայնագրի ստորագրումը մինչեւ 2015 թ. վերջ հետաձգելու վերաբերյալ:
Հիշեցնենք, որ Ուկրաինան համաձայնել է ռուսական գազի համար կանխավճար փոխանցել:
