նախընտրելի դարձնելԱՄՆ-ն եւ Ռուսաստանը կշարունակեն Ուկրաինայի հարցով երկխոսությունը ։ Այս մասին այսօր ԱԽՏՀ-ի շաբաթի շրջանակում կայացած մամուլի ասուլիսում հայտարարել է ԱՄՆ պետքարտուղար Ջոն Քերրին։
«Մենք պայմանավորվել ենք ուկրաինական ճգնաժամի վերաբերյալ տեղեկություններ փոխանակել եւ շարունակել երկխոսությունը» - նշել է նա՝ մեկնաբանելով ՌԴ արտգործնախարար Սերգեյ Լավրովի հետ կայացած բանակցությունները։
«Ես հուսով եմ, որ Մինսկում ձեռքբերված պայմանավորվածությունները կյանքի կկոչվեն», - ասել է ԱՄՆ պետքարտուղարը, փոխանցում է ՏԱՍՍ-ը:
Նա հույս է հայտնել, որ ժամանակի հետ Ուկրաինայում ռազմական գործողությունները կավարտվեն եւ երկրում կայուն իրավիճակ կստեղծվի:
Քերրին նաեւ հայտնել է, որ ԱՄՆ-ն եւ Ռուսաստանը, «ակնհայտ է, չհամաձայնեցված մոտեցումներ ունեն միջազգային մի շարք հարցերի շուրջ»:
«Մենք դրանք քննարկել ենք: Մենք նաեւ գիտենք, որ մենք պետք է շփման եզրեր գտնենք այն հարցերի շուրջ, որոնց շուրջ կարող ենք համագործակցել», - նշել է ԱՄՆ պետքարտուղարը:
