նախընտրելի դարձնել
Ստամբուլի ոստիկանությունը չի բացառում, որ տաջիկ ընդդիմադիր գործիչ Ումարալի Կուվատովի մարդասպանը այդ հանրապետության քաղաքացի է։ Համաձայն տեղական լրատվամիջոցների տեղեկությունների՝ սպանության մասնակցության մեջ կասկածվող մի տղամարդ արդեն ձերբակալել է, գրում է ՏԱՍՍ-ը։
Սուլեյման անունով տղամարդը Կուվատովի ծանոթն է եղել, ում տուն սպանված քաղաքական գործիչը ընթրիքի էր հրավիրված։ Ըստ որոշ տեղեկությունների՝ Սուլեյմանը իրեն տարօրինակ էր պահում եւ հաճախ հեռախոսով զրուցում էր ինչ-որ մեկի հետ։ Կուվատովի հարազատները չեն բացառում, որ նրան կարող էին թունավորել ընթրիքի ժամանակ։
Ոստիկանությունը կասկածներ ունի, որ Կուվատովի մարդասպանը Տաջիկստանի քաղաքացի է։ Ականատեսների վկայությամբ՝ նա եղել է սեւ հագուստով եւ կրակելուց առաջ Կուվատովին տաջիկերեն ինչ-որ բան է ասել։ Հետաքննությունը շարունակվում է։
