նախընտրելի դարձնել
«Նուբարաշեն» ՔԿՀ-ի մոտ հնչած կրակոցների գործով նախապես չխոստացած պարտակում մեղադրանքով 5 կալանավորվածների նկատմամբ ընտրված երկամսյա խափանման միջոց կալանքի ժամկետը լրանում է մայիսի 17-ին: NEWS.am-ի տեղեկություններով՝ նախաքննություն իրականացնող մարմինը՝ ԱԱԾ-ն, մինչ այդ դիմելու է դատարան, որպեսզի երկարացնի նրանց խափանման միջոց կալանքը: Պաշտպանական կողմը՝ մեղադրյաները, նրանց հարազատները եւ փաստաբանները կասկած չունեն, որ կալանքը կերկարացվի: Մեզ հայտնի դարձավ, որ գործի շրջանակներում բամաթիվ հարցաքննություններ են եղել, օրինակ՝ առգրավված տեսանյութերը ցույց են տալիս մեղադրյալներին եւ դրանց վերաբերյալ հարցեր ուղղում: 5 մեղադրյալները բացարձակապես չեն ընդունում իրենց մեղավորությունը: Իրենց մեղավոր չեն ճանաչում եւ ցուցմունք չեն տալիս նաեւ Գաստիկը, Ծգլը ու Տլեն: Գործով ներգրավված անձինք սպասում են փորձաքննությունների եզրակացություններին:
Հիշեցնենք, որ մարտի 4-ին, ժամը 13։59-ին ոստիկանությունը ահազանգ էր ստացել, որ «Նուբարաշեն» ՔԿՀ-ի դիմաց հնչել են կրակոցներ: Դեպքի վայր ժամանած ոստիկանները հայտնաբերել էին 1 զոհի եւ 2 վիրավորի, վիրավորներին տեղափոխել են «Էրեբունի» ԲԿ, ճանապարհին նրանք մահացել էին։ Մի քանի հոգի կրակ են բացել «Նուբարաշեն» ՔԿՀ-ի մոտ, որի հետեւանքով կա երեք զոհ: Կրակոցների հետեւանքով մահացած երեք անձանցից մեկը Լեւոն Ղազարյանն է, որը հայտնի է «Երրորդմասցի Լյովիկ» անունով, մյուսը 35-ամյա Դրաստամատ Թադեւոսյանն է, որը հայտնի է «Դերո» անունով, երրորդը՝ Մեսրոպ Նազարյանցը, մահացել է տեղում՝ ՔԿՀ-ի ավտոկայանատեղիում, որտեղ տեղի է ունեցել դեպքը։
Դեպքի առնչությամբ Քննչական կոմիտեում քրեական գործ էր հարուցվել ՔՕ 104 հոդվածի 2-րդ մասին 1-ին կետով եւ 235 հոդվածի 1-ին մասով: Ոստիկանությունը մարտի 12-ին հետախուզում էր հայտարարել ՀՀ քրեական օրենսգրքի 104 եւ 235 հոդվածների հատկանիշներով մեղադրվող 1986 թ. ծնված Սարգիս Գրիգորյանի (մականունը՝ Ծգլ), 1984 թ. ծնված Սարգիս Հախանումյանի (մականունը՝ Տլե) եւ 1984 թ. ծնված Վահան Հակոբյանի (մականունը՝ Գաստիկ) նկատմամբ: Նրանք 11 օր հետախուզման մեջ գտնվելուց հետո ինքնակամ ներկայացել էին Ազգային անվտանգության ծառայություն, այժմ կալանավորված են: Իսկ դրանից առաջ էլ կալանավորվել էին եւս 5 հոգի: Նրանցից երկուսը Երեւանի ավագանու ՀՀԿ խմբակցության անդամ Արմեն Երեմյանի եղբյարներն են՝ Կարեն եւ Սուրեն Երեմյանները, ովքեր «Միլենա» տաքսի ծառայության սեփականատերերն են, մյուսներն են ԱՐտյոմ Կարապետյանը, Ալեքսեյ Մկրտչյանը, Նարեկ Հովսեփյանը:
