Ուկրաինայի Գերագույն ռադայի խոսնակ Վլադիմիր Գրոյսմանը Facebook-ում հրապարակել է սահմանադրական բարեփոխումների սկզբունքները։

Փոփոխությունները հիմնված են 4 սկզբունքների վրա։ Առաջին հերթին, խոսքը տեղական ինքնակառավարման եռաստիճան համակարգի ստեղծման մասին է։ Բազային միավորը կլինի գյուղական կամ քաղաքային համայնքը, որը  կունենա ամենամեծ լիազորությունները։

Առաջարկվում է նաեւ արձանագրել սուբսիդարության սկզբունքը, երբ հարցերը լուծվում են առավել էֆեկտիվ կերպով եւ տեղական իշխանությունների ֆինանսապես ինքնաբավ լինելու հաշվին։ Մեկ այլ սկզբունք է տեղական  ինքնակառավարման մարմիններին լիազորություններ փոխանցելը պետության եւ ընտրազանգվածների կողմից վերահսկողության համակարգի հավասարակշռության պահպանման միջոցով։

2015թ. մարտին Ուկրաինայի նախագահ Պյոտր Պորոշենկոն հրաման էր ստորագրել Սահմանադրական հանձնաժողով ստեղծելու մասին, որը պետք է Սահմանադրությունը կատարելագործելու առաջարկներ աներ։