նախընտրելի դարձնել
Հունիսի 22-ին ՀՀ էկոնոմիկայի նախարար Կարեն Ճշմարիտյանն ընդունել է Czech Airlines ավիաընկերության տնօրենների խորհրդի նախագահ Ջոզեֆ Սինչակին եւ կոմերցիոն տնօրեն Յան Տոթին: Չեխական պատվիրակության կազմում էր նաեւ Հայաստանի Հանրապետությունում Չեխիայի Հանրապետության դեսպան Պետր Միկիսկան:
Հանդիպմանը մասակցել են Քաղաքացիական ավիացիայի գլխավոր վարչության պետ Արտյոմ Մովսեսյանը, Զարգացման Հայկական Հիմնադրամի տնօրեն Արման Խաչատրյանը, «Արմենիա միջազգային օդանավակայաններ» ՓԲԸ գլխավոր տնօրեն Մարսելո Վենդեն, գլխավոր մենեջերի տեղակալ Անդրանիկ Շխյանը, ինչպես նաեւ ոլորտի այլ պաասխանատուներ:
Տեղի ունեցած բազմակողմանի քննարկումը նվիրված էր չեխական ավիաընկերության կողմից դեպի Հայաստան եւ հակառակ ուղղությամբ չվերթների սպասարկման վերսկսմանը:
Շեշտելով Հայաստանը Կենտրոնական եւ Արեւելյան Եվրոպայի հետ կապող երթուղիների կարեւորությունը եւ համապատասխան ուղղություններով մրցակցության ապահովման անհրաժեշտությունը` Կարեն Ճշմարիտյանը բարձրացրել է չվերթների վերսկսման ժամկետների, նախատեսվող սպասարկման հաճախականության եւ համագործակցությանն առնչվող այլ հարցեր:
«Արմենիա միջազգային օդանավակայաններ» ՓԲԸ ներկայացուցիչները հայտնել են իրենց պատրաստակամությունը` չեխական ավիաընկերությանն առաջարկելու սպասարկման նպաստավոր պայմաններ:
Չեխական պատվիրակության ներկայացուցիչները խոսել են չվերթները վերսկսելու մտադրության մասին:
Կողմերը դրական են գնահատել հանդիպման արդյունքները:
