Մարկ Մուգալյանը, ով հերոսաբար դիմադրել է հանցագործին ՝ Անստերդամ- Փարիզ գնացքի ուղևորների վրա ՝ վերջինիս կատարած հարձակման ժամանակ, ծագումով Վիրջինիայից է, հայ ընտանիքից: Այս մասին գրում է տեղական «Richmond Times Dispatch» թերթը:

Տարիներ շարունակ նրա ազգականները գրենական պիտույքների մի փոքրիկ խանութ էին աշխատեցնում: «Մենք շատ հպարտ ենք նրանով»,- թերթին տված հարցազույցում ասել է տղայի հորեղբայրը ՝ Հարրի Մուգալյանը:

Նրա խոսքով ՝ իր զարմիկը «ազատատենչ» մարդ է ու ընտրել է կյանքի ուղի, որը նման չէ իր ընտանիքի զբաղմունքին:

Մուգալյանը նկարիչ է, քանդակագործ ու երաժիշտ: Նա իր կնոջ ՝ Իզաբելի հետ ստեղծել է  «Secret Season» դուետը:

Նրա հայրը աշխատել է  «Ligget and Myers Tobacci Coiggett and Myers Tobacco Co» ընկերությունում, բայց արդեն կենսաթոշակի է անցել:

Մուգալյանը Ռիչմոնդում երկու երաժշտական խմբերի հիմնադիր է:

Դասախոս Մարկ Մուգալյանը Ամստերդամ-Փարիզ գնացքի փրկիչներից մեկն է