1992-ից ի վեր Հայաստանի տնտեսության մեջ Միացյալ Նահանգների ուղղակի ներդրումները  215,5 մլն դոլար են կազմել: Այդ մասին նոյեմբերի 17-ին խորհրդարանում հայտնել է Հայաստանի էկոնոմիկայի նախարար Կարեն Ճշմարիտյանը: 

Նրա խոսքով, ամերիկացի ներդրողները վաղուց գնահատել են ծառայությունների, զբոսաշրջության եւ բարձր տեխնոլոգիաների ոլորտում Հայաստանի հնարավորությունները:  Չօգտագործված ներուժ առկա է նաեւ այլ ոլորտներում:  «2015-ի հունվար-հունիս ամիսների ընթացքում վերոհիշյալ ոլորտներում ԱՄՆ-ի ներդրումները    1,8 մլն դոլար են կազմել», - հավելել է նա:

Նշենք, որ Հայաստանի տնտեսության մեջ խոշորագույն արտասահմանյան ներդրողը շարունակում է մնալ Ռուսաստանը: 2015-ի հունիսի տվյալներով, որոնք հնչեցրել է Հայ-ռուսական միջկառավարական տնտեսական հանձնաժողովի ռուս համանախագահ Մաքսիմ Սոկոլովը, Հայաստանի տնտեսության մեջ Ռուսաստանի ներդրումների ընդհանրական գումարը կազմում է մոտ  3 մլրդ դոլար: