նախընտրելի դարձնել
Լրատվամիջոցներում հայտնված տեղեկություններն այն մասին, թե Ադրբեջանը ռուսական Ան-124 «Ռուսլան» օդանավին թույլ չի տվել թռիչք իրականացնել իր տարածքով, փորձագետների մոտ կասկածի տեղիք են տվել։
NEWS.am-ի քաջատեղյակ աղբյուրների փոխանցմամբ՝ տեղեկությունը եւ հրապարակված ձայնագրությունր արժանահավատ չեն առաջին հերթին այն պատճառով, որ Գյումրիի օդանավակայանը չի կարող ընդունել նման դասի օդանավեր։ Երեւանի «էրեբունի» օդային բազան ի վիճակի է նման թռիչքներ ընդունել, սակայն այնտեղ մեկ տարուց ավելի Ան-124 «Ռուսլան» օդանավեր չկան։
Ռուսական կողմից դեռեւս չի հաջողվել որեւէ մեկնաբանություն ստանալ։ mil_avia բլոգում հրապարակված տեղեկությունների համաձայն՝ Ադրբեջանն արգելել է Գյումրիի օդանավակայանից դուրս եկած Ան-124 «Ռուսլան» օդանավի թռիչքը իր տարածքով։ Արդյունքում օդանավը իբր թե ստիպված է եղել վերադառնալ Գյումրի։
