Նոյեմբերի 15-ին, ժամը 20.55-ին, հիվանդանոցից ոստիկանության Էրեբունու բաժնում հաղորդում էր ստացվել, որ «աջ նստատեղի եւ ձախ գոտկային շրջանի ծակած-կտրած վերքեր, աջ հոնքի շրջանի վերք» ախտորոշմամբ շտապօգնության խումբը բուժօգնության է տեղափոխել 51-ամյա Տիգրան Խ.-ին, ով հայտնել է, որ նույն օրը, ժամը 20.00-ին, իրենց տան բակում, վիճաբանության ժամանակ, անհայտ անձինք ձեռքերով եւ ոտքերով հարվածներ են հասցրել իրեն, իսկ նրանցից մեկը դանակով հարվածնել է իր մեջքին` պատճառելով վնասվածքները:

Ոստիկանությունից NEWS.am-ին հայտնում են, որ ոստիկանության ծառայողների ձեռնարկած օպերատիվ միջոցառումների շնորհիվ պարզվել է, որ մարմնական վնասվածքները պատճառել է 36-ամյա Արման Կ.-ն, ով նոյեմբերի 17-ին, ժամը 12.00-ին, ոստիկանության Աշոցքի բաժնից բերման է ենթարկվել եւ տվել խոստովանական բացատրություն:

Հանցագործության գործիք դանակը հայտնաբերված է:

Քննությունը շարունակվում է: