նախընտրելի դարձնել
Հայաստանում ցանկանում են հանել ունեցվածքի վերագրավադրման արգելքը: Այդ մասին նոյեմբերի 23-ին խորհրդարանում ասել է ԿԲ-ի փոխնախագահ Ներսես Երիցյանը` ներկայացնելով հանրապետության Քաղաքացիական օրենսգրքում փոփոխությունների մնասին օրենքի նախագիծն ու մի շարք կից օրինագծեր:
Նա պարզաբանել է, որ այժմ Քաղաքացիական օրենսգիրքը թույլ չի տալիս վերագրավադնել ունեցվածքը, եթե նախորդ պայմանագրում դրա վրա արգելք է դրված: Գործնականում ֆինանսական կազմակերպությունների մեծամասնությունը արգելում է դա կամ էլ թողնում է սեփական հայեցողությանը (գրավոր թույլտվությամբ): Օրենքի նախագիծն առաջարկում է բոլոր արգելքներն ուժը կորցրած համարել:
Այժմ նման պահվածքով բանկերն իրենց ապահովագրում են վեճերից, թե ում ինչ է հասնելու, եթե ստիպված լինեն վաճառել գրավը, իսկ վաճառքից ստացված գումարին հավակնում է միանգամից մի քանի վարկատու կազմակերպություն:
Դրա համար էլ օրենքի նախագծերի փաթեթը սահմանում է նաեւ գրավը պահողների առաջնահերթությունը` այն դեպքի համար, եթե ստիպված լինեն վաճառել գրավը: Գրավը պահող առաջին կազմակերպությունը պիտի տեղեկացվի վաճառքի մասին եւ առավելություն ունենա պարտքը հետ ստանալու հարցում, ընդգծել է Երիցյանը:
