նախընտրելի դարձնել
ԱՄՆ-ի նախագահի պաշտոնին հավակնող Դոնալդ Թրամպը կոչ է արել վերականգնել ահաբեկիչներին կտտանքի ենթարկելը: Այդ մասին տեղեկացնում է Lenta-ն` վկայակոչելով Fox News-ին:
Խոսքը, այդ թվում, ջրով կտտանքի մասին է (waterboarding), երբ կասկածյալին կապում են տախտակին, թեքում են ու գլխին ջուր են լցնում, ինչը կտտանքի ենթարկվողի մոտ ջրասույզ լինելու զգացողություն է առաջացնում: Թրամփի կարծիքով դա տեղեկություն ստանալու համեմատաբար մեղմ մեթոդ է: «Ես կվերականգնեի այդ պրակտիկան, — տեղեկացրել է քաղաքական գործիչը. — Այնտեղ` Իրաքում եւ Սիրիայում չեն օգտագործում ջրով կտտանքը, ուղղակի կտրում են մարդկանց գլուխները»:
Բացի այդ, նշել է Թրամփը, իսլամիստները զանգվածային մահապատիժ են իրականացնում ջրասույզ անելու միջոցով. «Նրանք ուղղակի խեղդում են մարդկանց: Չգիտեմ` տեղյա՞կ եք, մարդկանց վանդակն են մտցնում, հետո ուղղակի իջեցնում են օվկիանոս, իսկ հետո վանդակը մակերեւույթ են հանում: Կարծում եմ` ջրով կտտանքը ուղղակի աննշան բան է` նրա համեմետ, ինչ մեզ կանեին, եթե նրանց ձեռքն ընկնեինք»:
