ՆախընտրելիԲելգրադում ավարտվել է ԵԱՀԿ արտագործնախարարների խորհրդի 22-րդ նիստը:
Քննարկման համար տասնյակից ավելի նախագծեր էին նախապատրաստվել: Փաստաթղթերի վերաբերյալ քվեարկությունը տեղի է ունեցել փակ ռեժիմում: Այն ընթացել է կեսգիշերն անց (Երեւանի ժամանակով մոտ 3-ին) նախատեսված ժամը 16-ի փոխարեն: Այդ ժամին նախարարների մեծամասնությունը լքել էր նիստը եւ աշխատանքը շարունակում էին պատվիրակությունների անդամները:
Քննարկման արդյունքում հաջողվել է մի շարք փաստաթղթեր համաձայնեցնել
Ինչպես եզրափակիչ մամուլի ասուլիսին հայտնել է ԵԱՀԿ գործող նախագահ, Սերբիայի արտգործնախարար Իվիցա Դաչիչը, «երբեմն դժվար է փոխզիջման հասնել, առավել եւս` այնպիսի կազմակերպությունում, ինչպիսին ԵԱՀԿ-ն է, որը 57 անդամ ունի»:
Այնուամենայնիվ, նա գոհունակության է հայտնել, որ, «չնայած տարակարծությանը եւ բեւեռացմանը, մենք կարողացանք մի շարք կարեւոր որոշումներ ընդունել, այդ թվում նաեւ` ահաբեկչության, թմրանյութերի առեւտրի դեմ պայքարի, երիտասարդության եւ անվտանգության վերաբերյալ, ինչպես նաեւ համատեղ հայտարարություն մերձդնեստրյան բանակցությունների մասին` «5+2» ձեւաչափում:
