նախընտրելի դարձնելՉինաստանում China News Service լրատվական գործակալության չորս աշխատակցի աշխատանքից հեռացրել են Յոհաննեսբուրգում ՉԺՀ նախագահի ելույթի նյութում սխալի համար, տեղեկացնում է China Topix-ը:
Հաղորդվել է, որ գործակալության աշխատակիցները սխալ են թույլ տվել ՉԺՀ նախագահին ուղղված հարցի հրապարակման մեջ ` շփոթելով երկու բառ «zhici» (խոսք) եւ «cizhi» (հրաժարական):
Տեքստը սկզբում երկու թղթակից է ընթերցել, իսկ հետո` երկու խմբագիր, գրում է Gazeta-ն:
Սխալն ուղղվել է լուրերի հրապարակումից մեկ ժամ անց:
Քանի որ լուրը սխալով հայտնվել է բազմաթիվ լրատվամիջոցներում, իշխանությունները որոշել են, որ պետական գործիչների մասին հաղորդագրությունների համար չինական պարբերականները կարող են օգտագործել միայն «Սինհուա» լրատվական գործակալության տեղեկատվությունը:
