նախընտրելի դարձնել2016-ին Հայաստանի պետբյուջեի դեֆիցիտը կկազմի ՀՆԱ-ի 3,5 տոկոսը: Այդ մասին դեկտեմբերի 8-ին Հայաստանի խորհրդարանում ասել է ֆինանսների փոխնախարար Պավել Սաֆարյանը` ներկայացնելով 2016-ի հանրապետության պետբյուջեի խմբագրված նախագիծը:
Մոտակա տարիներին, հավելել է նա, անհրաժեշտ է դեֆիցիտի մակարդակը վերադարձնել ՀՆԱ-ի 3 տոկոսից ցածր մակարդակի: Վերջնական տարբերակում որոշված է պետբյուջեի եկամուտն ավելացնել 3,2 մլրդ դրամով, այդ թվում` սեփական եկամուտը մոտ 2 մլրդ-ով, իսկ պաշտոնական տրանսֆերտները` 1,2 մլրդ: Նման գումարի չափով էլ նախատեսված է ավելացնել ծախսերը:
Վերջնական տարբերակում եկամտի ընդհանուր ծավալը նախատեսված է 1 տրլն 186,3 մլրդ դրամի չափով (մոտ 2,5 մլրդ դոլար), ծախսերը` 1 տրլն 377 մլրդ դրամի չափով: Դեֆիցիտը կկազմի մոտ 190,7 մլրդ դրամ կամ մոտավորապես ՀՆԱ-ի 3,5 տոկոսը:
