նախընտրելի դարձնելԼիբանանյան մաքսատունը հայտնել է, որ Բեյրութի օդանավակայանում երեք տոննա թմրանյութ է առգրավվել:
Մաքսային ծառայության ներկայացուցիչների խոսքով, թմրանյութը, ներառյալ կապտագոնը, ամֆետամինը եւ հաշիշը, փաթեթավորվել էին տարրական դպրոցի նստարաններում, որոնք պիտի ուղարկվեին Եգիպտոս, տեղեկացնում է BBC-ի ռուսական ծառայությունը:
Անվտանգության լիբանանյան ծառայությունները նաեւ տեղեկացնում են, որ իրենց հաջողվել է կապտագոն եւ այլ թմրանյութեր արտադրող երկու լաբորատորիա հայտնաբերել:
Կապտագոնի հաբերը սովորաբար ամֆետամին եւ կոֆեին են պարունակում եւ լայնորեն տարածված են Մերձավոր Արեւելքում:
Մի քանի ամսվա ընթացքում օդանավակայանից առգրավվել է թմրանյութի մի քանի խմբաքանակ: Միջադեպերից մեկի արդյունքում ձերբակալվել է սաուդյան իշխանը:
