նախընտրելի դարձնել
ԱՄՆ-ի նախկին սենատոր Հարրի Ուոֆֆորդը, որն այժմ 90 տարեկան է, պատրաստվում է տղամարդու հետ ամուսնանալ այն բանից հետո, երբ կես դար ապրել է իր խոսքով «սքանչելի» կնոջ հետ: Այդ միությունից երեք երեխա է ծնվել:
Երբ նրա կինը մահացել է լեյկիմիայից, Ուոֆֆորդը ծանոթացել է ոմն Մեթյու Չառլթոնի հետ: Այժմ նախկին սենատորը պատրաստվում է ամուսնանալ նրա հետ: Այդ մասին նա ինքն է հայտնել New York Times պարբերականին:
Ընտրյալը 50 տարով փոքր է Ուոֆֆորդից: Այժմ նա 40 տարեիկան է, երբ նախկին սենատորը 15 տարի առաջ ծանոթացել էր նրա հետ, նա 25 տարեկան էր:
«Ես կես դար ամուսնացած եմ եղել սքանչելի կնոջ հետ, այժմ բախտս բերել է, երկրորդ անգամ գտել եմ երջանկությունս», — հայտնել է նախկին սենատորը, հայտնում է «Վեստին»:
Հարրիս Ուոֆֆորդը 1991-1995 թթ-ին զբաղեցրել է Փենսիլվանիայի նահանգի սենատորի պաշտոնը: 1960-ականների սկզբին նա ԱՄՆ-ի նախագահ Ջոն Քեննեդու մարդու իրավունքների հարցերով խորհրդականն էր:
