Ղազախստանի ոստիկանության աշխատակիցները մայիսի  20-ի առավոտյան ամրանների կտորներ եւ կերոսինով շշեր են հայտնաբերել, որոնք թաքցված էին Ալմաթիի Հանրապետության հրապարակի անմիջական հարեւանությամբ, հայտնել է ՂՀԸ հեռուստաալիքը:   

Իրավապահ մարմիններն առավոտյան շրջապատել են Բայսեիտովյան փողոցի այն հատվածը, որը հարակից է Հանրապետության հրապարակին:

«Մեզ հայտնի է դարձել, որ ոստիկաններն իբր կոյուղահորից ինչ-որ շշեր են հանել անհասկանալի հեղուկով: Չի բացառվում, որ դրանք լցված էին հրավառ խառնուրդով: 11:00-ին Բոստանդիկյան ՆԳՇՎ-ից հաջողվել է պարզել, որ օպերատիվ աշխատողներն իրոք  շշեր են հայտնաբերել: Դրանք լցված են եղել կերոսինով: Այժմ պարզվում են այլ մանրամասներ», — ասված է հեռուստաալիքի կայքում հաղորդագրության մեջ: 

Այն պահին, երբ տարածքն օղակվել է, այնտեղ ականազերծողներ են աշխատել, շնագետներ` ծառայողական շների հետ, տեղում նկատվել են հակահրդեհային ծառայության մեքենաներ, հայտնում է «Ազատտիկ Ռադիոն»: 

Ներկայումս Հանրապետության հրապարակի օղակումը վերացված է: 

Sputnik-Ղազախստանը հայտնում է, որ հանրապետության շատ շրջաններում ակտիվիստները կոչ են անում մայիսի   21-ին հրապարակ դուրս գալ` իրենց բողոքը հայտնելու Հողային օրենսգրքի փոփոխությունների վերաբերյալ: Ալմաթիի, Աստանայի եւ այլ քաղաքաների վարչակազմը մերժել է նախաձեռնող խմբերի` հանրահավաքի անցկացման թույլտվության դիմումները: