Նախընտրելի
Թուրքիան միգրացիոն համաձայնագրի շրջանակում Եվրամիություն է ուղարկում բացառապես հիվանդ եւ չկրթված փախստականների, գրում է Gazeta-ն` վկայակոչելով The Telegraph-ին:
Նշվում է, որ ԵՄ-ի պաշտոնատար անձինք Թուրքիային մեղադրում են միգրանտների կանխամտածված «ընտրության» համար: Բրյուսելը հայտնում է, որ Անկարան «բժշկական ծանր դեպքերով» եւ «կրթության շատ ցածր մակարդակով» միգրանտների է ուղարկում Եվրոպա, իսկ իրեն պահում է առողջ եւ որակավորված միգրանտներին, որոնք կարող էին ավելի լավ ինտեգրվել եվրոպական հասարակությանը:
Այսպես, հաղորդվում է, որ Անկարան ապաստան խնդրողների ցուցակներից դիտավորյալ հանում է սիրիացի բժիշկներին, ինժեներներին եւ գիտնականներին, խոչընդոտելով ԵՄ նրանց մեկնմանը:
Պարբերականի հետ զրույցում Թուրքիայի ներկայացուցիչը հայտնել է, որ երկիրը, որն ավելի քան երեք միլիոն փախստական է ընդունել, իրավունք ունի ընտրել, թե ում թողնի:
