Հուլիսի 6-ին, ժամը 11.00-ին, ոստիկանության Երեւան քաղաքի վարչության գրպանահատության դեմ պայքարի բաժանմունքի ծառայողները, իրացնելով ստացված օպերատիվ տվյալները, գողություն կատարելու կասկածանքով, Կորյունի-Աբովյան փողոցների խաչմերուկի մոտից բերման են ենթարկել 47-ամյա Արթուր Հ.-ին:

Ոստիկանության մամուլի ծառայությունից NEWS.am-ին հայտնում են, որ պարզվել է, որ նույն օրը, ժամը 10.40-ին, Արթուր Հ.- նշված խաչմերուկում  թիվ 5 երթուղային ավտոբուսում, 1958 թ. ծնված Լուսիկ Ղ.-ի պայուսակից գողացել է դրամապանակը, որի մեջ եղել է գումար:

Գողոնն առգրավված է:

Կատարվում է հետաքննություն: