նախընտրելի դարձնել«Սասնա ծռեր» խմբի անդամ Գեւորգ Իրիցյանն ունի բազմաթիվ առողջական խնդիրներ: Այս մասին այսօր՝ ապրիլի 12-ին, NEWS.am-ի հետ զրույցում ասաց նրա շահերի պաշտպան Արայիկ Պապիկյանը: Նա նշեց, որ արդեն մի քանի ամիս է իր պաշտպանյալը գտնվում է «Նուբարաշեն» ՔԿՀ-ի բուժմասում:
«Առողջական լուրջ խնդիրներ ունի, հիվանդության բավականին մեծ պատմություն ունի: Երեկ եմ նրան տեսակցել, լյարդի ցավերից էր բողոքում, ոտքերի, երիկամների ցավից, նաեւ աղիքային անանցանելիություն ունի եւ հատուկ սննդակարգի անհրաժեշտություն կա»,-ասաց նա:
Նշենք, որ Գեւորգ Իրիցյանի մասով նախաքննությունն ավարտվել է:
Գեւորգ Իրիցյանը ՊՊԾ գնդի տարածքում փոխհրաձգության ժամանակ ազդրի շրջանում հրազենային վնասվածք էր ստացել, բացի այդ, նա նաեւ ողնաշարի հետ կապված խնդիրներ ունի:
Նրան մեղադրանք է առաջադրվել ՀՀ ՔՕ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել) եւ 218-րդ մասով (պատանդ վերցնելը), սակայն, դատարանը գտել էր, որ նրան առաջադրված մեղադրանքներից մեկում՝ պատանդ վերցնելը, հիմնավոր կասկածը բացակայում է:
Գեւորգ Իրիցյանը Ջավախքի Ախալցխա քաղաքի բնակիչ է, նա հուլիսի 16-ին Երեւան էր եկել տարեց մորը տեսակցելու, իսկ հուլիսի 17-ին «Սասնա ծռերի» մյուս անդամների հետ գնացել է ոստիկանության ՊՊԾ գունդը գրոհելու:
