նախընտրելի դարձնելՍիրիայի հարցով երկօրյա միջազգային բանակցությունների բոլոր մասնակիցներն արդեն ժամանել են Աստանա, հաղորդում է ՌԻԱ Նովոստին՝ հղում կատարելով Ղազախստանի ԱԳՆ մամուլի ծառայության ղեկավար Անուար Ժայնակովին:
«Ժամանել են ՄԱԿ-ի հատուկ բանագնաց դե Միստուրան, Թուրքիայի եւ Ռուսաստանի պատվիրակությունները: Բոլորն այստեղ են»,-ասել Ժայնակովը:
Ավելի վաղ Աստանա էին ժամանել նաեւ Իրանի, Սիրիայի կառավարության եւ ընդդիմության ներկյացուցիչները, ՄԱԿ-ի փորձագետները, ինչպես նաեւ Ռուսաստանի եւ Թուրքիայի պատվիրակությունները: Ռուսաստանի, Թուրքիայի, Հորդանանի եւ ԱՄՆ պատվիրակությունների ղեկավարների այցը սպասվում էր մայիսի2-3-ին:
Ղազախստանի ԱԳՆ-ից հայտնել են, որ Սիրիայում հաշտության երեաշխավոր երկրները հանդիպմանը ներկա են լինելու բարձր մակարդակով: ՌԴ պատվիրակությունը ղեկավարել է ՌԴ նախագահի Սիրայի կարգավորման հարցով հատուկ ներկայացուցիչ Ալեքսանդր Լավրենտիեւը, Թուրքիայի պատվիրակությունը՝ փոխարտգործնախարար Սեդաթ Օնալը, Իրանի պատվիրակությունը՝ փոխարտգործնախարար Ջաբերի Անսարին:
ԱՄՆ պատվիրակությունն առաջին անգամ կգլխավորի ԱՄՆ պետքարտուղարի Մերձավոր Արեւելքի հարցերով օգնական Սթյուրատ Ջոնսը:
Սիրիայի հարցով բանակցությունների չորրորդ փուլին ներկա կգտնվեն նաեւ ՄԱԿ-ի գլխավոր քատուղարի Սիրիայի հարցերով հատուկ բանագնաց Սթաֆան դե Միսթուրան եւ Հորդանանի ԱԳ նախարարի խորհրդական Նաուֆ Թելը:
