նախընտրելի դարձնել
Ջերմուկ քաղաքում նախատեսվում է բացօթյա ամֆիթատրոն կառուցել, ճեմուղիներ, խոշոր ՍՊԱ կենտրոն:
Այս առնչությամբ, ՀՀ ԿԱ քաղաքաշինության պետական կոմիտեի տարածած հաղորդագրության մեջ ասվում է. «Կոմիտեի նախագահ Նարեկ Սարգսյանն աշխատանքային այց է կատարել Ջերմուկ քաղաք՝ քաղաքապետ Վարդան Հովհաննիսյանի հետ շրջել առողջարանային քաղաքի տարբեր հատվածներում, ապա՝ խորհրդակցություն անցկացրել քաղաքի պատասխանատուների հետ՝ քննարկելով առաջիկայում Ջերմուկում իրականացվելիք լայնամասշտաբ բարեկարգման ծրագրերը, որոնց զգալի մասը դեռեւս անցյալ տարեվերջին ՀՀ նախագահի Վայոց ձորի մարզ կատարած այցի ընթացքում Հայաստանում զբոսաշրջության զարգացման ուղղությամբ իրականացված եւ իրականացվելիք գործողությունների համատեքստում են:
Խորհրդակցության ընթացքում դիտարկվել եւ ընդունվել են նախագծային աշխատանքների մշակման համար մի շարք կարեւոր որոշումներ, այդ թվում՝ մայթերի եւ փողոցների բարեկարգման, շենքերի ճակատների եւ կտուրների վերակառուցման, ինչպես նաեւ՝ կառուցապատման ճարտարապետական լուծումների եւ չափորոշիչների վերաբերյալ:
Քննարկման ժամանակ կարեւորելով Ջերմուկը բարեկարգ եւ գրավիչ զբոսավայր դարձնելու հարցը, Ն. Սարգսյանն անդրադարձել է Ջերմուկի լճի հարակից հատվածների, հետիոտն ճեմուղիների կառուցման նախագծային խնդիրներին, ինչպես նաեւ՝ քաղաքում ժամանցի համար նախատեսված բացօթյա ամֆիթատրոնի տեղադրության եւ քաղաքային զբոսայգու բարեկարգման ու կանաչապատման թեմաներին:
ՀՀ ԿԱ քաղաքաշինության պետական կոմիտեի կողմից կառավարության ղեկավարին ներկայացված ներդրումային ծրագրերի շրջանակում խորհրդակցության ժամանակ քննարկվել է նաեւ Ջերմուկում բնական տաք ջրերի փակ եւ բացօթյա լողավազանային համալիրով խոշոր ՍՊԱ կենտրոնի կառուցման հարցը:
