Երեւանի քաղաքապետ Տարոն Մարգարյանը պատասխանատուներին հանձնարարել է գույքագրել մայրաքաղաքի փողոցների մայթերին տեղադրված եւ քաղաքացիների ազատ տեղաշարժը խոչընդոտող վահանակները, ճանապարհային նշաններն ու վճարովի ավտոկայանատեղիների ցուցանակները եւ համապատասխան քայլեր ձեռնարկել դրանք այլ վայրեր  տեղափոխելու  նպատակով:

Քաղաքապետարանից NEWS.am-ին հայտնում են, որ բացօթյա ապօրինի առեւտրի դեպքերի հայտնաբերման նպատակով նախորդ շաբաթ, այդ թվում հանգստյան օրերին վարչական շրջաններում կազմակերպված ստուգայցերի ընթացքում կազմվել է 28 վարչական արձանագրություն:

Քաղաքապետ Տարոն Մարգարյանը հանձնարարել է շարունակել հսկողությունը, նաեւ խստորեն վերահսկելով, որ մայրաքաղաքի փողոցներում արգելվի ձմերուկի եւ սեխի  բացօթյա ապօրինի վաճառքը: