նախընտրելի դարձնելԿուտակային կենսաթոշակային համակարգի մասնակիցը կարող է իր կենսաթոշակային միջոցները ստանալ նախքան 63 տարեկանը, եթե ճանաչվել է աշխատանքային գործունեությամբ զբաղվելու կարողության երրորդ աստիճանի սահմանափակում ունեցող հաշմանդամ, ձեռք է բերել կյանքին վտանգ սպառնացող հիվանդություն` ըստ կառավարության սահմանած ցանկի, կամ, եթե օտարերկրացի է եւ վերադառնում է իր մշտական բնակության երկիր:
«Նորք» կենտրոնից NEWS.am-ին հայտնում են, որ նված դեպքերում կուտակային համակարգի մասնակիցը կարող է դիմում ներկայացնել եւ ամբողջությամբ եւ միանվագ ստանալ իր կենսաթոշակային խնայողությունները: Ընդ որում` օտարերկրյա քաղաքացու գումարը փոխանցվում է տվյալ երկրում նրա անդամակցած կուտակային կենսաթոշակային համակարգին:
Նշված հիմքերից որեւէ մեկի առկայության դեպքում մասնակիցը դիմում է ներկայացնում մասնակիցների ռեեստրը վարողին՝ Հայաստանի կենտրոնական դեպոզիտարիա՝ կցելով անհրաժեշտ հավաստող փաստաթղթերի պատճենները:
Հայաստանում աշխատող օտարերկրյա մասնակիցը դիմումը ներկայացնում է ՀՀ աշխատանքի եւ սոցիալական հարցերի նախարարություն:
Մասնակիցների ռեեստրը վարողը դիմումի հիման վրա մասնակցի կենսաթոշակային հաշվում առկա փայերը մարում է եւ համապատասախան միջոցները վճարում է նրան ամբողջությամբ` դիմումը եւ կից փաստաթղթերը ստանալուց հետո 10 աշխատանքային օրվա ընթացքում` բացառությամբ օտարերկրյա մասնակցի:
Օտարեկրյա մասնակցի կենսաթոշակային միջոցները փոխանցվում են համապատասխան պետությունում նրա անդամակցած կուտակային կենսաթոշակային ֆոնդին:
Եթե օտարերկրյա մասնակիցը այդ երկրում կուտակային համակարգի մասնակից չէ, ապա իր կուտակային կենսաթոշակը կստանա կենսաթոշակային տարիքում ՀՀ քաղաքացիների համար սահմանված կարգով եւ պայմաններով:
Իմացի΄ր ավելին՝ զանգահարելով 114 անվճար թեժ գծին:
