նախընտրելի դարձնելԵրեւանի քաղաքապետարանում տեղի է ունեցել Երեւանի քաղաքապետին կից, Երեւանի քաղաքային համայնքի զարգացման քառամյա ծրագրի եւ տարեկան բյուջեի կառավարման խորհրդի նիստը, որը վարել է Երեւանի քաղաքապետի տեղակալ Վահե Նիկոյանը: Նշվել է, որ խորհրդի կազմում կատարվել են որոշակի փոփոխություններ:
Քաղաքապետարանից NEWS.am-ին հայտնում են, որ Խորհրդի անդամներին է ներկայացվել «Երեւանի զարգացման 2018-2022թթ. հնգամյա ծրագրի հաստատման մասին» որոշման նախագիծը սահմանված կարգով հանրային քննարկման ներկայացնելու վերաբերյալ հարցը:
Նիստի ընթացքում փոխքաղաքապետը մանրամասն պատասխանել է խորհրդի անդամների կողմից բարձրացված բոլոր հարցերին: Վահե Նիկոյանն ընդգծել է նաեւ, որ պատրաստվում է ավագանու համապատասխան որոշում՝ խորհրդի անվան փոփոխության վերաբերյալ:
Խորհրդի անդամները միաձայն քվեարկությամբ որոշել են հաշվետվության նախագիծը սահմանված կարգով ներկայացնել հանրային քննարկման:
