նախընտրելի դարձնելՆոյեմբերի 6-ին, ժամը 14.30-ին, ոստիկանության Նոր Նորքի բաժնում 1955 թ. ծնված Անգին Ա.-ից հաղորդում է ստացվել, որ նույն օրը, ժամը 12.00-ին, նախկին ամուսնու քույրը՝ 56-ամյա Մարիետա Մ.-ն, Ավան, Առինջ շենքերից մեկի բնակարաններից մեկի ննջարանի պատուհանագոգից բացահայտ հափշտակել է իր պայուսակը, որի մեջ եղել է 5.000 եվրո, նույնականացման եւ բժշկական ապահովագրության քարտ ու դիմել փախուստի:
Ոստիկանության մամուլի ծառայությունից NEWS.am-ին հայտնում են, որ ոստիկանության Ավանի բաժանմունքի ծառայողների ձեռնարկած միջոցառումների շնորհիվ Մարիետա Մ.-ն ժամը 15.10-ին նշված շենքի բակից բերման է ենթարկվել բաժանմունք եւ տվել բացատրություն:
Գողոնը մասամբ հայտնաբերվել է: Կատարվում է հետաքննություն:
