նախընտրելի դարձնելՆոյեմբերի 7-ին, ժամը 15:42-ին ահազանգ է ստացվել, որ Դիլիջանի ոլորաններում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-4 ավտոճանապարհի Դիլիջան-Իջեւան ավտոճանապարհի 1 կմ-ին իրար են բախվել «Opel Astra» մակնիշի 34 LT 667 (վարորդ՝ 1977 թ. ծնված Վ. Մ.) եւ «MAN» մակնիշի K387 УТ 163 (վարորդ՝ 1967 թ. ծնված Ա. Ե.) պետհամարանիշերով ավտոմեքենաները:
Մինչ փրկարարների կանչի վայր հասնելը «Opel Astra» մակնիշի ավտոմեքենայից տեղի ուժերով դուրս են բերվել Վ. Մ.-ը եւ 2 ուղեւոր, ովքեր շտապօգնության ավտոմեքենայով հոսպիտալացվել են Դիլիջանի ԲԿ, որտեղ ուղեւորներից մեկը մահացել է, մյուս ուղեւորի առողջական վիճակը գնահատվել է ծանր, իսկ Վ. Մ.-ինը՝ բավարար:
Փրկարարները հոսանքազրկել եւ փակել են «Opel Astra» մակնիշի ավտոմեքենայի գազի բալոնի փականը:
Կտրվի լրացուցիչ տեղեկություն:
