Մայիսի 28-ին Եվրամիությունը Սիրիայի նախագահ Բաշար Ասադի վարչակազմի դեմ պատժամիջոցները եւս մեկ տարով երկարաձգել է: «Սիրիական ռեժիմի եւ նրա կողմնակիցների դեմ սահմանափակումները» ուժի մեջ կմնան մինչեւ 2019 թվականի հունիսի 1-ը: Այս մասին ասվում է արտգործնախարարների մակարդակով ԵՄ խորհրդի որոշման մեջ, հաղորդում է DW-ն:

Պատժամիջոցները մասնավորապես, վերաբերում են նավթի մատակարարումներին, ներդրումների սահմանափակումներին եւ ԵՄ-ում Սիրիայի կենտրոնական բանկի ակտիվների սառեցմանը: Բացի դրանից, արգելվում է երկրում սարքավորումների եւ տեխնոլոգիաների արտահանումը, որոնք կարող են օգտագործվել բնակչության ճնշման համար: Օրինակ, օրինակ, դրանք հեռախոսային եւ ինտերնետային թրաֆիկի մոնիթորինգի սարքեր են:

ԵՄ-ն նաեւ թարմացրել է սիրիական կառավարության առանձին ներկայացուցիչների եւ նրանց կողմնակիցների ցուցակը, որոնց դեմ գործում է անհատական պատժամիջոցների ռեժիմը: Այժմ  դրանում ընդգրկված են 259 սիրիացիներ: Նրանց արգելված է ԵՄ մուտք գործել, Եվրոպայում նրանց հնարավոր ակտիվները սառեցված են: Ցուցակի վերջին ընդլայնումը տեղի ունեցավ մարտին, երբ Բրյուսելը ընդգրկեց եւս քան չորս մարդու, որոնք պատասխանատու են Սիրիայում քիմիական զենքի ենթադրյալ կիրառման համար:

Բացի այդ, ԵՄ-ում սառեցված են 67 կազմակերպությունների եւ ընկերությունների ակտիվները: Այս բոլոր պատժամիջոցները երկարացվել են մինչեւ 2019 թվականի հունվարի 1-ը: