Ստամբուլի ծանր հանցագործությունների գործերով 12-րդ դատարանը Հրանտ Դինքի սպանության գործով անցնող երկու մեղադրյալ ոստիկանների խափանման միջոցը փոխելու որոշում է կայացրել։

Ինչպես տեղեկացնում է Ստամբուլի հայկական «Ակոս»-ը, Հրանտ Դինքի սպանության գործը քննող դատարանը որոշել է ազատ արձակել գործով անցնող մեղադրյալներ Յաքուփ Քուրթարանին եւ Օզքան Մումջուին։

Վերջիններս Դինքի սպանության ժամանակ աշխատել են Տրապիզոնի եւ Սամսունի ոստիկանություններում։