նախընտրելի դարձնել
Չեչնիայի մայրաքաղաք Գրոզնիի կենտրոնում` Կադիրովի պողոտայում նոր պայթյուն է որոտացել, հաղորդում է «Ինտերֆաքսը»` վկայակոչելով Չեչնիայի իրավապահ մարմիններին: Վերջին մեկ օրում սա արդեն չորրորդ պայթյունն է Չեչնիայի մայրաքաղաքում:
Կադիրովի պողոտայում պայթյունը որոտացել է Կենցաղի տնից ոչ հեռու: Զոհերի եւ ավերածությունների մասին չի հաղորդվում: Դեպքի վայրում աշխատում է քննչական խումբը:
Փետրվարի 8-ի երեկոյան նույն տարածքում եւս երկու պայթյուն է որոտացել, որոնց արդյունքում վիրավորվել էր երկու մարդ` մի դեռահաս եւ մի ոստիկան:
Եւս մեկ պայթյուն տեղի էր ունեցել Գրոզնիի Օկտյաբրսկի շրջանում, վիրավորվել էին ՕՄՕՆ-ի երեք զինյալներ: Ռումբը տեղադրված է եղել սրճարանում` սուրճի պարկերի մեջ:
