Բելգիայում մի քանի օրվա ընթացքում սպիտակ փոշով նամակներ ուղարկելու 4-րդ դեպքն է գրանցվել: Հերթական անգամ ժամանելով դեպքի վայր՝ քաղաքացիական պաշտպանության աշխատակիցները վտանգ չեն հայտնաբերել, հաղորդում է  «ՌԻԱ Նովոստին»:

Ավելի վաղ՝ Նոր Տարվա նախաշեմին, կասկածելի փոշով ծրար էր ուղարկվել  Միգրացիայի հարցերով նախկին պետքարտուղար Թեո Ֆրանկենի տուն:

Այդ ժամանակ քաղաքական գործիչն ընտանիքի հետ մի քանի ժամ կարանտինում փակված էր մնացել, մինչեւ որ չէր հաստատվել սպառնալիքի բացակայությունը:

Այնուհետ կասկածելի ծրարն ուղարկել են Լուվենի արդարադատության պալատ: Այս անգամ էլ պարզվել էր, որ փոշին անվնաս է:

Հինգշաբթի ոստիկանությունը եւ քաղաքացիական պաշտպանության աշխատակիցները կանչով ժամանել էին Բրյուսելի մերձակաքյում գտնվող Զավենտեմ կոմունայի շենք, որտեղ նույնպես կասկածելի ծրար էին գտել: Աշխատակիցներին որոշ ժամանակով տարհանել էին, փոշին փորձաքննության համար լաբորատորիա տարել:

Հինգշաբթի ավելի ուշ նամակի մասին հաղորդել էր եւս մեկ քաղաքական գործիչ,  CD&V ֆլամանդացի քրիստոնյա դեմոկրատներ կուսակցության նախագահ Վուտեր Բեկեն: