նախընտրելի դարձնել
Ամբողջ Եվրամիությունը եւ, մասնավորապես, Իսպանիան Վենեսուելայում ճգնաժամի լուծման ռազմական միջամտությունը հնարավոր չեն համարում: Այս մասին հայտարարել է Իսպանիայի արտգործնախարար Ժոզեպ Բորելը, հաղորդում է «ՌԻԱ Նովոստին»:
«Մեզ՝ ԵՄ-ի եւ մասնավորապես, Իսպանիայի համար, ռազմական ներխուժումը բացառված է, մենք ոչ մի դեպքում չէինք աջակցի դրան», -Բրյուսելում, որտեղ ընթանում են ԵՄ-ի եւ Արաբական պետությունների լիգայի խորհրդակցությունները, լրագրողներին ասել է Բորելը:
Իսպանիան Վենեսուելայի Ազգային ասամբլեայի նախագահ Խուան Գուայդոյին երկրի ժամանակավոր նախագահ է ճանաչել այն նպատակով, որպեսզի վերջինս նոր նախագահական ընտրությունների անցկացման մասին հայտարարի:
Նման հայտարարությամբ հանդես է եկել Իսպանիայի վարչապետ Պեդրո Սանչեսը: Գուայդոյին ճանաչած ԵՄ երկների թվին են միացել Էստոնիան եւ Չեխիան:
