նախընտրելի դարձնել
Կալիֆոռնիայի ափամերձ շրջանում՝ Քարմելում, անհայտ կորել է բրիտանացի Քիմ Գորդոնը, որը մեկնել էր ԱՄՆ իր 17-ամյա որդու հետ, հաղորդում է Sky News-ը:
Անհայտ կորած Գորդոնի որդին հայտնել է ոստիկանությանը, որ հայրը լողալու ցանկություն էր հայտնել երկուշաբթի երեկոյան, որից հետո նա դուրս էր եկել եւ այլեւս չվերադարձել:
Դեռահասն ահազանգել էր արտակարգ իրավիճակների ծառայություններին:
Ջրասույզները փնտրել են լողափի երկայնքով, սակայն Գորդոնի՝ լողափ գալու մասին վկայող ոչինչ չեն հայտնաբերել:
Ինչպես հայտնել է ոստիկանության կապիտան Մոնթերեա Ջոն Թորնբերգը, անհայտ կորած բրիտանացու որդու ներկայացրած պատմությունն առաջացնում է մի շարք հարցեր, եւ Գորդոնի խորտակվելու վարկածը քիչ հավանական է:
Ոստիկանությունը ենթադրում է, որ այս կամ այն պատճառով բրիտանացին փորձել էր բեմականացնել իր սեփական մահը:
