նախընտրելի դարձնել
Հայաստանում Ռուսաստանի դեսպան Սերգեյ Կոպիրկինը մեկնաբանել է ռուսական 102-րդ ռազմակայանի զինծառայողի վիրավորման հետ կապված միջադեպը։
«Դա քննության հարց է, հուսանք, որ այս ողբերգական միջադեպի վերաբերյալ համակողմանի և արդար հետաքննություն կիրականացվի»,– ֆեյսբուքյան գրառում է արել դեսպանը։
Ավելի վաղ Քննչական կոմիտեն հայտնել էր, որ Շիրակի մարզային քննչական վարչություն քննվող քրեական գործի շրջանակներում պարզվել է 22-ամյա ՌԴ քաղաքացուն դանակահարելու հանգամանքները: Ձերբակալվել է մեկ անձ:
Նախնական տվյալներով՝ 2019 թվականի մարտի 8-ին՝ ժամը 01:00-ի սահմաններում, Գյումրի քաղաքի գիշերային ակումբում կենցաղային հարցերի շուրջ ծագած վիճաբանության ժամանակ Գյումրի քաղաքի՝ 1990 թվականին ծնված բնակիչը սուր ծակող-կտրող գործիքով հարվածել է ՌԴ 22-ամյա քաղաքացուն:
Դեպքի առթիվ Շիրակի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 112-րդ հոդվածի 1-ին մասի հատկանիշներով:
Նշանակվել են դատաբժշկական, դատահետքաբանական փորձաքննություններ:
Քրեական գործի նախաքննության ընթացքում ձեռնարկված քննչական գործողությունների և օպերատիվ-հետախուզական միջոցառումների արդյունքում 2019 թվականի մարտի 11-ին՝ ժամը 16:00-ին, մեղայականով ոստիկանության Կումայրիի բաժին է ներկայացել Գյումրի քաղաքի՝ 1990 թվականին ծնված բնակիչը: Վերջինս ձերբակալվել է:
Նախաքննությունը շարունակվում է:
