նախընտրելի դարձնել
Մարտի 18-ին ՀՀ ֆինանսների նախարար Ատոմ Ջանջուղազյանն ընդունել է Ասիական զարգացման բանկի (ԱԶԲ) Տնօրենների խորհրդի անդամ Սյուրքանի Իշաք Քասիմի գլխավորած պատվիրակությանը:
Հանդիպման ընթացքում կողմերն անդրադարձել են ՀՀ-ի եւ ԱԶԲ-ի միջեւ առկա համագործակցության հեռանկարներին եւ ընդլայնման հնարավորություններին: Մասնավորապես` քննարկվել է գործընկերության ընթացիկ տարվա ռազմավարությունը եւ հետագա ծրագրերի իրականացման ոլորտները:
Ատոմ Ջանջուղազյանը նշել է, որ տնտեսական զարգացման տեսանկյունից միջնաժամկետ հեռանկարում կանխատեսումները պահպանողական են, եւ կառավարության ծրագրում սահմանված ուղենիշերն ու առաջնահերթությունները թույլ են տալիս ակնկալել առավել բարձր արդյունքներ:
ԱԶԲ ներկայացուցիչն ընդգծել է, որ բանկի հետ փոխգործակցությունը նպատակային ծրագրերի եւ փորձի փոխանակման շրջանակներում կնպաստի բարեփոխումների իրականացմանը եւ կարողությունների զարգացմանը:
