Արտասահմանյան մամուլը, մասնավորապես, ամերիկյան լրատվական գործակալություններն ու կայքերը մեկնաբանել են Հայոց ցեղասպանության տարելիցի կապակցությամբ ԱՄՆ նախագահ Բարաք Օբամայի հայտարարությունը:

Բոլոր լրատվամիջոցները նշում են, որ Օմաբան խախտել է նախընտրական խոստումը: Այսպես`«Associated Press» գործակալության հրապարկումը վերնագրվել է  «Օբաման նորից հայերի կոտորածները ցեղասպանություն չհամարեց»:

ABC news-ի կայքում տեղադրված հոդվածում թղթակից Ջեկ Տապերը հիշեցնում է, որ դեռ 2006 թ-ին  Օբաման ԱՄՆ-ի այն ժամանակվա պետքարտուղար Կոնդոլիզա Ռայսին քննադատել էր Հայաստանում ԱՄՆ դեսպանին «ցեղասպանություն»  բառն օգտագործելու համար պաշտոնանկ անելու համար:  Լրագրողը նշում է, որ նախագահը միշտ շատ ուշադիր է բառերի ընտրության հարցում: Նա օգտագործում է «սարսափելի կոտորածներ» արտահայտությունը, բայց երբեք չի օգտագործում «ցեղասպանություն» եզրը:

Օբամայնի այդ հատկանիշը նկատել է նաեւ «USA Today» թերթի թղթակիցը` նշելով, որ նախագահը «նորից զգուշորեն ներթափանցեց Հայաստանի եւ Թուրքիայի պատմական վեճի մեջ, բայց, միեւնույն է, քննադատվեց»: