Ավտովթար Իսակովի պողոտայում. Մեքենաներից մեկի ղեկին եղել է դերասան Սմբատ Ստեփանյ

Երեւանում այսօր` ապրիլի 27-ին ժամը 00:50-ին Իսակովի պողոտայում միմյանց են բախվել «Միթսուբիշին» եւ «ՎԱԶ-21011» ավտոմեքենաները:

Ինչպես NEWS.am-ին հայտում է ֆոտոլրագրող Գագիկ Շամշյանը, «Միթսուբիշի» մակնիշի 22 ՕՏ 290 համարանիշի ավտոմեքենան բախվել է «ՎԱԶ-21011» մակնիշի 45 ԼԼ 207 համարանիշի ավտոմեքենային:

Դեպքի վայր են ժամանել Ճանապարհային ոստիկանության հետաքննիչները` հետաքննիչ Գեւորգ Դավթյանի գլխավորությամբ: Ականատեսները հայտնել են, որ «Միթսուբիշին» վարել է 33-ամյա Սմբատ Ստեփանյանը (մասնագիտությամբ դերասան), իսկ «ՎԱԶ-21011»-ը` 42-ամյա Գարիկ Գրիգորյանը:

Սմբատ Ստեփանյանի ավտոմեքենան տեղափոխվել է Երեւանի ՃՈ տուգանային հրապարակ:

Լուսանկարները եւ տեսանյութը` Գագիկ Շամշյանի